Kulturelt mangfald og læring

Studiet er utvikla for profesjonsutøvarar som i arbeidet sitt møter tverrkulturelle utfordringar. Studiet er aktuelt for tilsette i barnehagar, skole, vaksenopplæring, asylmottak og andre som arbeider med opplæring av personar med anna morsmål enn norsk.

Om studiet

Studiet er sett saman av to modular à 15 studiepoeng kvar:

Kultur og læring 1 (Modul 1 vart gjennomført vårsemesteret 2012, og kan bli sett igong seinare.)

Kultur og læring 2
Opptak til modul 1 gjev automatisk opptak på modul 2. Det er mogeleg å søkje modulane 2, utan å ha gjennomført modul 1.
Studentane skal etter endt studium ha tileigna seg kunnskap om:

det fleirkulturelle Noreg

ulike religionar og livssyn

fleirspråklegheit

korleis det er å vekse opp med røter i fleire kulturar

likskap og ulikskap på tvers av alder, kjønn og etnisitet

Modul 2 er samlingsbasert og vil gå over eitt semester med fire to dagars samlingar. Kvar to dagars samling vil ha om lag 15 undervisningstimar og veksle mellom førelesning, gruppearbeid og drøfting. Fronter er brukt som nettbasert læringsrom.

I studiegjennomføringa vil det mellom anna bli knytt praktiske utprøvingsprosjekt til arbeidsstaden/interessefeltet til den enkelte student.

Dette kan du bli

Gjennom ei dialogbasert undervisning er det eit mål at studentane får vidareutvikla ein tverrkulturell yrkespraksis.

Etter fullført og bestått studium skal studentane kunne:

planleggje, gjennomføre og vurdere opplæring av personar med anna morsmål enn norsk

drive haldningsskapande arbeid mellom norskspråklege og minoritetsspråklege

organisere og drive samarbeid mellom ulike aktørar i opplæringa av minoritetsspråklege

vurdere læremiddel og organisering av opplæring av minoritetsspråklege

Andre opplysninger

Samlingane er på HINT, Levanger
Måndagar: kl 10.00-18.00
Tysdagar: kl: 09.00-16.00

Dato for samlingar, modul 2 er:

Haust 2012
Veke 35: 27. og 28. august
Veke 39: 24. og 25. september
Veke 44: 29. og 30. oktober
Veke 47: 19. og 20. november

Studiet vert sett i gong under føresetnad av at det vert nok søkjarar.

Fagområder

Yrke

Studiets type

Studiested

HiNT tilbyr også videreutdanning i samarbeid med Folkeuniversitetet og Utdanningsdirektoratet.

Studietilbud